Alle blir trekte i same retning, men Eidfjord skil seg ut
Ein ny rapport frå Telemarksforsking skildrar ein meir dramatisk nedgang i sysselsette i distrikta fram mot 2050 enn tidlegare prognosar. Av kommunane i Hardanger er Eidfjord mest utsett.
Kommunal- og distriktsdepartementet har tidlegare gjeve Telemarksforsking i oppdrag å analysera forholdet mellom behov og tilgjengeleg arbeidskraft fram mot 2050, og det er frå dette arbeidet som no er klar.
Det er særleg dei minst sentrale kommunane som blir råka av det som blir omtala som «den demografiske klemma». Ifylgje rapporten vil det i dei 108 minst sentrale kommunane i Noreg bli 26 prosent færre sysselsette innan 2050.
Slår ulikt ut i Hardanger
Den overordna demografiske utviklinga i Hardanger . Det blir stadig fleire eldre, og gradvis færre innbyggjarar i arbeidsfør alder.
Kommunane må difor prioritera hardare i åra som kjem når dei store etterkrigskulla går av med pensjon. Desse prioriteringane kan svekkja det kommunale tenestetilbodet, noko som igjen kan gjera det mindre attraktivt for unge par å etablera seg i distriktet.
Rapporten frå Telemarksforsking viser eit noko samansett bilete i Hardanger. Kommunane i regionen vert trekte i same retning, men med ulik kraft.