Publisert for omtrent ein månad sidan
Fersk rapport frå havforskarane: – Hardangerfjorden har god helse
Forskarane ved Havforskingsinstituttet har undersøkt helsetilstanden til Hardangerfjorden på oppdrag frå Miljødirektoratet.
Ingvil Aaen Torpe
Publisert: 06.11.2025 14:15
Konklusjonen er at fjorden har god helse slik situasjonen er no. Likevel skildrar tittelen på rapporten at fjorden er under press.
– Generelt finn me ikkje spor av overgjødsling på dei fleste målepunkta i fjorden. Det utelukkar likevel ikkje at det kan finnast mindre, lokal overgjødsling, seier Vivian Husa som er forskingssjef ved Havforskingsinstituttet i ei sak på deira nettsider.