Budsjettforslaga som påverkar viktige saker i Hardangerregionen
I framlegget til statsbudsjettet som vart lagt fram i dag, er det fleire postar som påverkar saker som er viktige for mange i Hardangerregionen.
Det er fleire av prioriteringane regjeringa legg opp til i statsbudsjettet som kan slå både positivt og negativt ut for Hardanger.
Samferdsel
Regjeringa foreslår å løyva i alt 102,1 milliardar kroner til samferdsel i 2026. Av desse skal 50,4 milliardar kroner gå til vegar.
– Regjeringa held fram innsatsen på å ta betre vare på det me har, og utbetre der me kan. Det vil gje betre tryggleik for folk i trafikken og sikra god militær mobilitet, og over tid vil folk få eit meir punktleg og driftssikkert togtilbod, uttalar samferdselsminister Jon-Ivar Nygård.
Administrerande direktør i NAF, Stig Skjøstad, er derimot ikkje nøgd med budsjettforslaget.