Trur oppsamling av slam frå oppdrettsnæringa kan gje store verdiar

– Teamet vårt gjennomfører regelmessige prøvetakingar av vassøyla i Hardangerfjorden, samt overvakingar av havbotnen før og etter at slamoppsamlinga startar, for å slå fast kor mykje avfall frå fiskeoppdrett som kjem tilbake til havmiljøet, seier Helena Hauss, sjefsforskar hjå Norce som har ansvar for å leia prosjektet.

I tillegg til forskarar frå Noreg, er forskingsinstitusjonar i Finland, Belgia og Nederland, samt aktørar frå norsk, svensk og finsk industri og oppdrettsbransje, med i fellesprosjektet som saman med å undersøkja miljømessige konsekvensar også handlar om vidareutvikling av teknologiske løysingar for å samla opp slam.