Ynskjer å bli sterkare saman: – Jus er eit fag det kan vera vanskeleg å sitja åleine med

Sjef for samfunnsutvikling i Kvam herad, Heidi Ørjansen, seier det så langt har kome fleire positive tilbakemeldingar etter at heradet sende ut ein førespurnad til nabokommunane tidlegare i sommar, der dei tok til orde for å laga eit formelt juridisk nettverk på tvers av kommunegrenser.

– Det har byrja å koma inn litt tilbakemeldingar, og når me har fått svar frå alle vil me kalla inn til eit møte der me diskuterer korleis me skal organisera samarbeidet, fortel Ørjansen.