Live podkast om klimaendringar i Hardanger
Møt professor Jostein Bakke og førsteamanuensis Pål Nielsen frå UiB som skal snakka om korleis klimaendringane vil påverka lokalsamfunn og viktige næringar i Hardanger i åra som kjem.
Tysdag 16. desember inviterer Hardanger.no til temafrukost med live podkastinnspeling, fagleg samtale og spørsmål frå salen.
Gjestar er professor Jostein Bakke og førsteamanuensis Pål Nielsen, begge frå Institutt for geovitskap ved UiB. Bakke er frå Jondal, og leiar arbeidet med eit nytt senter for fjellforsking i regi av Bjerknessenteret og Universitetet i Bergen. Nielsen er òg tilknytt Bjerknessenteret og har mellom anna ekspertkompetanse på naturfarar som flaum og snøskred.
Progam
08:00 Dørene opnar, servering av kaffi og bakverk
08:30 Del 1: Nytt landskap
- Kva skjer når breane smeltar og eit nytt landskap dukkar fram, og kva konsekvensar har det for framtidas kraftproduksjon?
- Spørsmål frå salen
09:00 Pause og beinstrekk
09:15 Del 2: Klimatilpassing
- Korleis møter me utfordringar som følgjer av eit endra klima og meir ekstremvêr? Kva konsekvensar får det for kor me kan byggja og bu, og kva me kan leva av?
- Spørsmål fra salen
09.45 Program slutt
Meld deg på i dag!
Arrangementet er gratis
📆 16. desember 2025
📍 Kong Oscars gate 68, Bergen
⌚️ 08:00 til 10:00, dørene opnar 08:00 for kaffi, bakverk og mingling
Avgrensa tal plassar!