Det kunne alle i panelet einast om då me inviterte til temalunsj i Øystese om tilstanden i Hardangerfjorden denne veka.
Likevel var det ikkje berre lett å summera opp konkrete tiltak kvar og ein av oss kan bidra med for å snu ein negativ trend. Men ein ting var Mari Myksvoll, forskingsleiar ved Havforskingsinstituttet tydeleg på: Det ein får til lokalt, har noko å seia for totalen.
F.v. Tom N. Pedersen, Mari Skuggedal Myksvoll og Oddvar Soldal.
Til stades var også Tom N. Pedersen frå Statsforvaltaren i Vestland, Oddvar Soldal frå Hardanger Naturvernlag, og 2. kandidat til Stortinget frå Vestland Venstre, Ingrid Nergaard Fjellstad som hadde invitert seg sjølv for anledninga, med bakgrunn i eit brennande personleg engasjement for vestlandsfjordane.
Annonse
I salen var også Eide fjordbruk representert, og Geir Helge Johnsen fortalde mellom anna om utviklinga av deira løysing for eit såkalla lukka oppdrettsanlegg, Watermoon, som no er i full drift med svært gode resultat.
Geir Helge Johnsen fortalde om Eide Fjordbruk sitt prestisjeprosjekt, Watermoon.
Opptaka frå temalunsjen vil snart bli lagt ut på Hardanger.no. Tips gjerne andre du kjenner om å melda seg på nyhendebrevet og få med seg dette og anna spennande innhald framover!
Cruisemannskap på ryddedugnad
I Eidfjord har mannskap frå fleire cruiseskip hjelpt til med å plukka bos i sommar.
Mannskap frå MS Borealis i full sving med å plukka bos langs sjøkanten i Eidfjord. Foto: Odd Gunnar Nordengen
No håpar kommunen å inspirera andre kommunar med cruiseanløp til å ta liknande initiativ.
– Det er vinn-vinn, seier Marit Stadheim i Visit Eidfjord. Les heile saka her.
Eidfjord er òg vertskap for Hardangervidda Maraton denne helga - som elles byr på musikalske opplevingar for alle som har sikra seg billettar til Hardanger Musikkfest sine mange konsertar og arrangement fleire stader i Ullensvang.
Denne helga er det på nytt duka for Hardangervidda Maraton. Her frå fjorårets løp. Foto: Otto Melau
Hugs at du alltid kan tipsa oss på adressa tips@hardanger.no, og hjelp oss gjerne å nå ut til fleire med å dela innhaldet vårt med folk du kjenner som kan ha interesse av det.
