Hardanger.no skal dekkja tema og saker som er relevante uavhengig av kva del av Hardanger-regionen ein høyrer til.
Det skal me gjera med artiklar, podkast og videoinnhald, og gjennom å skipa til ulike arrangement.
Når me torsdag 28. august inviterer til vårt fyrste direktearrangement, er det med Hardangerfjorden som tema. Fjorden som fysisk knyter regionen saman, frå inst til ytst, med sine mange utspring.
Dei fleste hardingar har på ein eller annan måte eit forhold til fjorden. Bading, fisking, båtturar eller utsikt frå stoveglaset, fjorden er og fjorden blir.
Men alt er ikkje berre bra med Hardangerfjorden.
Klimaendringar har mellom anna ført til opphoping av næringssalt som kan føra til at fjorden vert overgjødsla og kan gjera livet vanskeleg for dyra som lever der.
Tilstanden på Hardangerfjorden vert no nøye overvaka, mellom anna gjennom eit treåring overvakingsprogram som starta ved nyttår i fjor, i regi av Statsforvaltaren.
Torsdag 28. august invitererer me alle som har høve til temalunsj om Hardangerfjorden sin helsetilstand, passande nok på Hardangerfjord Hotel i Øystese. Hit kjem mellom anna forskingsleiar ved Havforskingsinstituttet, Mari Myksvoll, leiar i Hardanger Naturvernlag, Klaus Rasmussen, og Tom N. Pedersen frå Statsforvaltaren i Vestland.
Me får svar på korleis det står til under overflata i Hardangerfjorden akkurat no, og kva som må til for at komande generasjonar også skal få glede av fjorden både som matkammer og til rekreasjon.
Les meir om arrangementet og meld deg på her.
Tips gjerne andre du trur kan ha interesse av å få med seg temalunsjen eller nyhendebrevet vårt! Du kan òg fylgja Hardanger.no på Facebook, og etter kvart også andre sosiale medium.
Helsing
Ingvil Aaen Torpe
Redaktør
ingvil@hardanger.no