Stadig fleire får augo opp for sideren frå Hardanger, også i utlandet.
Gjennom heile sommaren er det ein stadig veksande straum av mat- og drikkeinteresserte turistar som legg turen innom ein eller fleire siderprodusentar i Hardanger for å læra meir om produksjonen og smaken av produkta deira.
– Vesle Noreg som kanskje står for ein promille av siderproduksjonen i verda, vinn 10 prosent av prisane. Det vert lagt merke til, seier Olav Bleie som har merka ei aukande interesse frå utlandet.
Med selskapet Alde AS er han mellom dei største siderprodusentane i Hardanger, og framover vil han jobba for å få til meir eksport av sider.
Du kan lesa heile saka her.
Er du i nærleiken av Øystese i morgon er du hjarteleg velkomen på temalunsjen vår om tilstanden i Hardangerfjorden.
Me opnar dørene på Hardangerfjord Hotel klokka 11.30 for dei som vil ha litt å bita i før programmet startar klokka 12.
Mellom deltakarane er Mari Myksvoll frå Havforskingsinstituttet og Tom N. Pedersen frå Statsforvaltaren i Vestland som begge skal svara på spørsmål om korleis det står til med fjorden vår akkurat no, og kva løysingar som finst for å sikra ein levedyktig fjord i framtida.
Les meir om arrangementet og meld deg gjerne på her.
Du får denne e-posten fordi du er påmeld nyhendebrevet til Hardanger.no. Del det gjerne vidare til andre du trur har interesse av å fylgja utviklinga i regionen.
Det er også mogleg å teikna abonnement her dersom du ynskjer å støtta oss litt ekstra no i oppstartsfasen.
Har du tips eller innspel til saker? Då når du oss på tips@hardanger.no
Fylg oss gjerne på Facebook eller Instagram også!
Helsing
Ingvil Aaen Torpe
Redaktør
ingvil@hardanger.no