– Det er overraskande variert
På Hardanger fartøyvernsenter merkar dei godt at behovet for tradisjonshandverkarar aukar.
Ingvil Aaen Torpe
Publisert: 21.01.2026 17:30
– Travelt, variert og kjekt.
Slik oppsummerer studentane Bendik Skogvold og Sandra Moltzau Christiansen dagane ved fartøyvernsenteret.
Dei er to av deltakarane på deltidsstudiumet i fartøyvern som starta opp hausten 2025 i regi av Fagskulen Vestland.
No er dei godt i gang med å laga delar til det som skal bli ein heilt ny båt, bygd etter gamle handverksprinsipp. Når dei har fullført dei to åra studiet varar, kan dei smykka seg med tittelen «fagteknikar fartøyvern».
