– Eg er nok ganske tydeleg og ærleg
Fyrste april i år byrja Bodil Valland Steinhaug frå Norheimsund som administrerande direktør for GC Rieber Eiendom i Bergen. Ho dreg fram oppveksten på bygda som ein fordel i møte med næringslivet i byen.
Det er lenge sidan Bodil Valland Steinhaug flytta heimanfrå for å byrja på Norges Handelshøgskole (NHH) i Bergen. Sidan den tid har ho blitt verande i byen mellom dei sju fjella. I løpet av karrieren har ho hatt ulike leiarstillingar innan næringslivet før ho enda opp der ho er i dag.
Då jobben som administrerande direktør i GC Rieber vart ledig før jul i fjor, var ho ikkje i tvil om at det var eit spennande selskap å leia. Etter 11 år som finansdirektør same stad, kjende ho selskapet godt.