Næringsliv
Loading
Norsk teknologi for å samla opp og gjenvinna fiskeslam blir løfta fram under FN sitt komande klimatoppmøte i Tyrkia.
Vekstvinnaren Visual Registration System (VRS) frå Odda har bygd suksessen på stadig strengare krav og kompleksitet i verksemder.
Når det europeiske teknologiselskapet Speednet etablerer seg i Noreg, er det med hardingen Stein Gunnar Wallevik som sjef. Målet er å hjelpe norske bedrifter med kunstig intelligens før dei nye EU-krava kjem.
Kvam Auto vart heidra med pris.
Matvogna Pota Madre har fått ein pangstart i Os.
– Me har blitt tidleg klar over at Forsvaret vil kjøpa system, ikkje duppedittar.
Park Hotel Vossevangen stakk av med hovudprisen «Wine List of the Year 2026» under den globale finalen i London i går.
Med Fonna Næringshage knyter Ullensvang og Kvinnherad tettare band i arbeidet med å skapa ein attraktiv region å bu og arbeida i.
Pota Madre AS har tilsett dagleg leiar.
Sidan 2020 har Rosendalsveko samla forskarar, næringsliv, forvaltning og politikarar for å diskutera sentrale tema for Vestlandet.
No er programkomiteen godt i gang med planlegginga av den neste utgåva av konferansen som også i år går føre seg fyrste veka i august. Denne gongen med overskrifta «Klimatilpassing – frå kunnskap til handling».
Una Kolle er leiar av Folgefonnsenteret og har ansvar for alt det praktiske knytt til konferansen som er eit samarbeid mellom Universitetet i Bergen, Havforskingsinstituttet og Folgefonnsenteret.
Ho fortel at ho var heilt fersk i jobben då Rosendalsveko blei arrangert for fyrste gong, sommaren for snart seks år sidan.
– Me starta heilt forsiktig under pandemien. Sjølv om det var korona-restriksjonar greidde me å gjennomføra ein fysisk konferanse. Det var ikkje plass til så mange deltakarar på grunn av 1 meter-regelen, men me strøyma direkte til dei som av ulike grunnar ikkje kunne vera der, fortel ho.
Rosendalsveko har sidan starten vore ein arena som samlar næringsliv, politikarar og forskingsmiljø til diskusjon og formidling av utfordringar Vestlandet står ovanfor.
Konferansen har liknande tema frå år til år, der den raude tråden er berekraftig utvikling.
– Det er eit poeng å fylgja progresjonen i temaa som står på agendaen og få fram kva som er nytt sidan sist. Det kjem heile tida tilbake til diskusjonen mellom klima og natur, og korleis ta vare på begge delar. Kraftproduksjon og kraftfordeling er til dømes eit tema som går igjen frå år til år, fortel Kolle.
Du må ha abonnement for å lesa resten av denne saka.
og .
Ingen kommentarar enno. Ver den fyrste til å dele tankane dine.
