Høyr Hardangerfolk: Brit Aksnes
Brit Aksnes hugsar tilbake til ei ungdomstid fylt med bandøvingar, revy og bygdedansar. No er ho uroa for at dei unge som veks opp i Hardanger har blitt meir passive fordi dei ikkje har dei same tilboda.
Brit Aksnes har lang fartstid som «kulturfrilansar». Ho har erfaring både frå forlagsbransjen og media, i tillegg til ulike festivalar og prosjekt innan musikk og teater.
Sjølv om ho har slått seg til ro i Bergen saman med ektemannen, fylgjer ho godt med på det som skjer i Hardanger.
I podkasten Hardangerfolk fortel Brit Aksnes om oppveksten i Norheimsund på 80- og 90-talet og det ho meiner er den største skilnaden frå korleis det er å veksa opp i Kvam i dag. Ho tenkjer spesielt på aldersgruppa 14-18 år som ho ikkje trur har det same kulturtilbodet som ho sjølv hadde.
Du kan høyra podkasten i avspelingsvindauget ovanfor (trykk play), eller der du vanlegvis høyrer podkast.