– Det er mange som ikkje veit om alle moglegheitene her
Medan produksjonen går for fullt, tek «nye» Boliden form i Odda. Her finst det arbeid til i underkant av 400 personar, inkludert lærlingar. Særleg eitt fagområde peikar seg ut som utfordrande med tanke på rekruttering dei neste åra.


Arnt Ove Meling er tilsett som HR-opplæringspartnar hjå Boliden Odda og har ansvar for rundt 30 lærlingar innan ei rekkje fagområde, frå laboratorielærlingar til industrimekanikarar.
– Det er i hovudsak kjemi- og prosesslærlingar som utgjer hovudtyngda hjå oss. Det er desse det både har vore og vil vera størst behov for i overskodeleg framtid, fortel Meling.