– Ei viktig norsk bedrift i verdsklasse
Statsminister Jonas Gahr Støre var full av lovord etter å ha besøkt Bjølvefossen.
I løpet av nokre travle timar i Hardanger tysdag rakk statsministeren å treffa både tradisjonshandverkarar, siderprodusentar og industriarbeidarar.
– Det er ei viktig norsk bedrift i verdsklasse, slo han fast etter å ha blitt vist rundt hjå Elkem Bjølvefossen i Ålvik. Støre let seg òg imponera av at industrikonsernet nyleg gjekk til topps i kåringa av Noregs smartaste inudstriverksemd.