Ni oppdrettssøknadar får avslag i Hardangerfjorden
Statsforvaltaren i Vestland seier nei til ni søknadar om ny eller auka oppdrettsproduksjon i Hardangerfjorden.
Selskapa som no har fått avslag er Lingalaks, Eide Fjordbruk, Alsaker Fjordbruk og Mowi.
Bakgrunnen for avslaga er nye overvakingsdata som viser negativ utvikling i fleire miljøparametrar i fjorden.
Statsforvaltaren peikar særleg på oksygennivået i djupvatnet. I 2024 vart grensa mellom god og moderat tilstand passert for fyrste gong i dei djupaste delane av Hardangerfjorden.
Sjå opptak frå Hardanger.no sin temalunsj om tilstanden i Hardangerfjorden her.
Forsterka av klimaendringar
Statsforvaltaren viser i avslaga til at klimaendringar gjer fjorden meir sårbar. Varmare og ferskare kystvatn, meir nedbør og større avrenning frå land svekkjer utskiftinga av djupvatn og reduserer bereevna i fjorden.