– Me må tilpassa oss eit heilt anna klima

Nyleg besøkte professor Jostein Bakke og førsteamanuensis Pål Ringkjøb Nielsen frå Universitetet i Bergen podkasten Hardangersnakk for å snakka om korleis klimaendringar vil endra Hardanger i åra fram mot århundreskiftet.

Den viktigaste bodskapen deira er at det er for seint å kjempa mot effekten av klimaendringane på kort sikt, men at fokuset ute i lokalsamfunna heller må vera å tilpassa seg endringane som skjer.