Klyngetun kan lokka fleire til distriktet
Ein fersk rapport frå forskingsinstituttet Ruralis peikar på det tradisjonelle klyngetunet som eit mogleg tiltak for å få fleire til å slå seg ned i distriktskommunar.
I rapporten «Fra byliv til klyngetun» har forskarane sett nærare på kva som motiverer folk som i dag er busett i byar til å flytta ut av byen, og kva som hindrar dei frå å gjera det.
Vidare har dei undersøkt kva preferansar byfolka har med tanke på bustad, og kva interesse dei har for bustadkonseptet klyngetun.