Tilrår å oppretthalda forbodet mot nedbygging av myr
Miljødirektoratet fekk nær 300 innspel i høyringsrunden om eit generelt forbod mot nedbygging av myr i Noreg. Kvam og Eidfjord er mellom kommunane som har uttalt seg.
Ingvil Aaen Torpe
Publisert: 14.01.2026 12:30
– Høyringsuttalane viser at det er forståing for at me må ta vare på myr for å redusera klimagassutslepp og tap av naturmangfold. Det er likevel forskjellige synspunkt på korleis eit forbod skal utformast, seier Hilde Singsaas, direktør for Miljødirektoratet.
Det er dei som på vegner av Kommunal- og distriktsdepartementet (KDD) og Klima- og miljødepartementet (KLD), har gjennomført ei høyring av forslaget om å innføra eit forbod mot nedbygging av myr i Noreg.